Hef flutt mig um set.

Kannski verð ég duglegri á nýjum slóðum. Kannski ekki.

www.huld.blog.is

Sjáumst - heyrumst!

Ég á svo stóran og duglegan strák. Hann varð þriggja ára á föstudaginn, litla gullið. Hver dagur með honum er ævintýri.

Stolt móðir og ánægð.

...er stórasta land í heimi!

Dorrit hafði rétt fyrir sér...við erum best í heimi. Úfff...svakalegur leikur. Áfram við!

Það minnsta sem ég get gert er að skrifa þessar línur á þessum flotta degi.

Ekki eignaðist ég barn, og ég rauk alls ekki til, eins og svo margir, og gifti mig...

Njótiði dagsins - það er enn von 09 09 09, 10 10 10, 11 11 11 og 12 12 12... Þessir dagar verða án efa annasamir hjá prestum landsins, já og guði.

...flýgur áfram...

Noregsferð lokið  - notalegt og gaman að hitta góða ættingja eftir langan tíma.
Vika í höfuðborginni - gerir manni gott einstaka sinnum - vinir heimsóttir, og búðir!
Vika á Flúðum í sumarbústað KÍ - æðislegur tími í faðmi fjölskyldu og vina, sól og sumar!

Á næstu grösum: skírn hjá Lillu Birnu og Almars, Austurferð: Egilsstaðir og auðvitað Bræðslan, Borgarfirði eystri.
Sumar og enn meiri sól, sumarfrí, já takk!

Til hamingju með daginn.

Það var á kvenréttindadaginn fyrir fjórum árum sem fimm stoltar, bleikklæddar yngismeyjar útskrifuðust með BA próf í íslensku...eins og það hafi gerst í gær.

Ég klæddist bleiku í dag - knús á ykkur stelpur.

Þá er loksins komið að þessu!

Miðasalan hefst 10:00 í fyrramálið - http://midi.is/tonleikar/1/5220/

 

Bræðslan 2008

Damien Rice, Eivör Pálsdóttir og Magni.

 

Tónlistarhátíðin Bræðslan á Borgarfirði Eystri verður haldin laugardaginn 26. júlí í sumar.

Þetta verður í fjórða sinn sem hátíðin verður haldin en undanfarin ár hafa komið þar

fram Emilíana Torrini, Belle & Sebastian, Magni, Megas og Senuþjófarnir, Lay Low,

Aldís og Jónas Sigurðsson.  Bræðslan hefur vakið mikla lukku þau 3 ár sem hún

hefur verið haldin og hafa um 1.000 manns sótt hana að jafnaði.

Íbúafjöldi Borgarfjarðar Eystri telur um 140 manns og því hefur verið

um töluverða margföldun að ræða þessa helgi í þorpinu.

Tónlistarhátíðin Bræðslan dregur nafn sitt af samnefndum síldarskúr

þarsem tónleikar hátíðarinnar fara fram í ansi skemmtilegri umgjörð.  Það eru engar smá

kanónur sem taka átt í Bræðslunni í ár þeas Írska söngvaskáldið Damien Rice, færeyska nátturbarnið

Eivör Pálsdóttir og heimalingurinn og rokkstjarnan Magni Ásgeirsson.

 

http://www.borgarfjordureystri.is/

http://www.damienrice.com/

http://www.eivor.com

http://www.myspace.com/magnirocks

 p.s. já Emilíönu var skipt út fyrir Eivöru Páls..kemur alls ekki að sök! :)

...og jörðin fagnaði með mér með því að stíga trylltan dans. Ég biðst velvirðingar á því. En öllu máli skiptir að enginn slasaðist alvarlega.

Þessi dagur verður í minnum hafður og skráður í sögubækurnar. Ég á afmæli og Suðurlandsskjálftinn reið yfir - vona að þetta hafi verið hann.

 

Sjáumst í BræðslunnI!

Við sonur minn skellihlógum saman áðan, fengum vægast sagt hláturskast!

Sena kvöldsins: Við horfum á söngkeppni framhaldsskólanna.

Mamman: Eigum við að sjá hvort þessir krakkar geta sungið fallega?
Sonurinn: Já... (lagðist á öxlina á mér og við horfum saman.)
Mamman: Æ, hún á nú í einhverjum vandræðum með þetta greyið stelpan.
Sonurinn: (missir áhugann og fer að leika sér)

10 mínútur líða. Mamman horfir á keppnina. Sonurinn leikur sér en snýr sér svo að móður sinni og segir: Mamma, greyið þessi stelpa líka, greyið hún.

Mamman var alveg sammála drengnum og við hlógum okkur máttlaus, því hann er jú svo klár og auðvitað með vel virkt tóneyra...